Ji ber ku endamên TUMTÎS'ê bûn bi hinceta "Girtina beşê" 9 karkerên DHL'ê ji kar hatin avêtin, 85 roj e çalakiya wan dewam dike. Karker ji mehên havînê vir ve di berxwedanê de ne û gotin ku "Em ber bi zivistanê ve diçin, lê em li vir nacemidin. Dê agirê berxwedanê dilê me germ bike."
Aborîzan Azîz Konukman, têkildarî polîtîkayên hikûmetê yên aborî, bac û kirîna çekan agahiyên girîng dan. Konukman, diyar kir ku ger şer bidome lêçûna şer jî dê zêde bibe û dê hemû lêçûna şer ji ser pişta xizan, karker û kedkaran derxin. Konukman, bêdengiya KESK û DÎSK'ê jî rexne kir û anî ziman ku diviya bû erd hejandibûna.
Serokê Odeya Senetkar û Esnafê Mêrsînê Talat Tînçer da zanîn ku berê Bendera Mêrsînê deriyê Rojhilata Navîn bûye û wiha got: "Ji ber ku di salên dawî de bi welatên cîran re pirsgirêk hene, di sektora barkêşiyê û sanayiyê de pirsgirêkên mezin derdikevin holê."
Aborîzan Erol Katircioglu, rêjeyên zemkirina bacan ku hikûmet dixwaze bi “kirîna çekan” kêmatiya xwe ya budçeyê bigire û gotinên hikûmetê yên ku dibêje ew ê ambargiyê deyne ser Kurdistana Federe nirxandin. Katircioglu diyar kir ku aqûbeta vê polîtîkayê enflasyoneke bilind e û dê welatiyên ku dahata wan kêm e bêtir xizan bibin.
Karkerên Kod-A ji ber ku sendîkayî bûn ji kar hatin avêtin. Karker ji bo vegerin karê xwe dest bi çalakiya 6 rojan kirin. Karkeran, diyar kir ku ew li bendê bûn derfetên wan baş bikin, lê ji kar hatin avêtin.
Tirkiye û Îranê peymana bazirganiyê ya 30 milyar dolar îmze kir. Aborînas Mustafa Sonmez, diyar kir ku Tirkiye dixwaze dost wê li bazarê bibînin.
Mamosteyên li Tirkiyeyê Roja Mamosteyan bi 33 hezar û 965 îxrac û 438 hezar mamosteyên li dibistanan nehatine bicihkirin pêşwazî dikin. Hîndekar Necla Kurul diyar kir ku dixwazin bi vê rêyê tirsê li ser civakê serwer bikin.
Kelemên di xarinên wekî tolme, tirşîn û şorbeyê de tê xwarin, li zeviyên Erdîşê tên berhevkirin û dişînin bajarên wekî Amed, Agirî, Bedlîs, Mûş û Wanê.
Li Edeneyê Karkerên ku li fabrîkayên paşveguherînê (veguhestin) dixebitin, diyar kirin ew di nav tozê de dixebitin û wiha gotin: “Meaşê ku em digirin ne heqê keda me ye.”
Demsala tûrîzmê ya îsal ber bi dawî ve diçe, tûrîzîmvan hêviyên xwe ji sala nû re hiştin. Tûrîzmvanan diyar kir ku li gorî sala çûyî di hatina tûrîstan de zêdebûn heye, lê ev di xerçkirinên tekakesî de xwe nade nîşan, hêviyên xwe ji sala bê re hiştine.
Çotkarên tûtinê yên li Semsûrê li pêş avahiya Walî û avahiya AKP'ê ya Semsûrê kom bûn û xwestin hikûmet îstîfa bike.
Li Wanê welatiyên ku penêrê di demsala bahar û havînê de amade dikin û ji bo di demsala zivistanê de bixwin, dest bi binaxkirinê kirin.
Sekreterê Giştî yê TTB'ê Sezai Berber, diyar kir ku di navbera salên 90- 2000'an de prîm ji bêriya gel birîn u dewletê desteser kir û wiha got: "Lê niha bi rêya Nexweşxaneyên Bajar, 25 salên pêşeroja me ji me digirin û dixin bin destê xwe."
Ji ber ku TARÎŞ’ê buhayê tirî nedaxuyandiye, buha daket biniya lîreyekê. Rezvan, ji vê rewşê nerazî ne. Rezvan Huseyin Elmas, anî ziman ku tiriyê ku wan 7 sal berê bi 2 lîreyan difirot niha di dest wan de maye û ew niha bi lîreyekê difiroşin.
Berxwedêrê Kolana Yukselê Velî Saçilik tev li sempozyuma sendîkayan a "Li Tirkiyeyê sendîkavanî" bû, diyar kir ku ger paşeroja xwe ji bîr bikin dê nikaribin pêşeroja xwe ava bikin û wiha got: "Wê rojê ji ciwanan hevalekî ji Colemêrgê hat cem min û got: "Kekê ez te pîroz dikim". Min jî got çima tu min pîroz dike, betelê herî giran hûn didin. Ev bedengiya heyî min jî aciz dike "