ENQERE - Dîrokzan-nivîskar Mehmet Bayrak di pirtûka xwe ya bi navê "Kurtlerin ve Kurdistan'in Gorsel Tarihi" de, bi hêlekê bi vegotineke dîtbariyî dîroka kurdan vedibêje, li hêla din jî dîroka kurdan a ji hêla dewletê ve hatiye berpêşkirin jî mehkûm dike. 

 

Pirtûka nû ya dîrokzan-nivîskar Mehmet Bayrak a bi navê "Kurtlerin ve Kurdistan'in Gorsel Tarihi" derçû. Nivîskar di vê xebata xwe de bi vegotineke dîtbariyî dîroka kurdan vedibêje û her wiha dîroka kurdan a ji hêla dewletê ev hatiye berpêşkirin jî mehkûm dike. 

 

Bayrak ji bo pirtûka xwe dibêje: "Dema mirov tiştina dixwînin tu bikî nekî tiştina têdigihê. Lê dema vê yekê bi awayekî dîbarî dibînin ev bêtir balê dikişîne. Ji ber hay ji vê yekê heme, hema bêje nêzî 40 sal in tiştên dîtbarî berhev dikim. Ev berhem ji dîtbariyên ku 40 sal in min berhev kiriye pêk tê." Bayrak, anî ziman ku di vê xebata xwe de sûd ji çavkaniyên dîrokî yên herî ekvn girtiye û got: "Min sûd ji belgeyên beriya zayînê dest pê kirin. Min sûd ji xebatên Heredot, Homeros, Ksenofon, Strabon ên der barê Mezopotamyayê de girtin. Nexasim bi rêya mutercimên suryanî di navbera çanda Anatolya, Kurdistan, Mezopotamyayê de danûstendinek heye. Min ev hemû derxistine holê. Min ji çavkaniyên sereke bi mînakan Kurdistan'a ku tê redkirin û înkarkirin nîşan daye." 

 

Herî dawî Bayrak got: "Kesên radibin Kurdistanê û gelê wê yê qedîm redkirin, divê çavekî li vê xebatê bigerînin. Ev xebat bersivdayîneke mezin e." 

 

MA / Selman Guzelyuz