Akademîsyenê antropolojiyê û muzîkolog Dr. Argûn Çakir ê ji Mûglayê ewilî fêrî kurdî dibe û pişt re jî dide pey şopa çand û hunera kurdî. Çakir li ser dengbêjî û amûr û muzîka ribabê (kemaçê) dikeve. Ew li herêma Torê salek li ser kemaçê lêkolînê dike. Ew du masterên xwe û doktroya xwe li ser dengbêjî û muzîka kemaçê amade dike. Çakir got meraqa wî ya ji bo çanda kurd wî aniye vê astê.
Berhema sêyemîn a helbestan bi navê “Bêyî Pêjna Te” ya helbestvan Rizoyê Xerzî derket û ew diyar dike ku helbestên wî li ser jiyana bê azadî ye.
Pirtûka “Êşname” ya ji helbestên êş û bêrîkirinê pêk tên a helbestvan Kadîr Çelîk ji Weşanên Payîz derket. Çelîk dibêje ew diçe ku êş û bêrîkirinên wî pê re ne û van êş û bêrîkirinan li bejna helbestê dike.
Li Şirnexê hin ciwan ji bo balê bikişinin ser kesên ku ji ber nexweşiyên xwe yên mayînde maskeyan bi kar tînin, bi navê "Empatî" fîlmek çêkirin.
Pira Gabon a li navçeya Hênê ya Amedê di bin navê “firehkirina rê” de ji aliyê komên rêya bejahiyê ve hat hilweşandin.
Nivîskarê rojnameya e-rojname Yaşar Eroglu, bi romana xwe ya "Çerxa Xedar" derket pêşberî xwinerê xwe. Eroglu bi vê romanê rastî û heqîqeta heyî radixe pêş çavan.
Li Komeleya Ziman û Çandê ya Birca Belek qeydên ji bo qursên kurdî dest pê dike. Yek ji xebatkarên komeleyê nivîskar Bahattîn Robar, diyar kir ku ji bo pêşxistin û hînbûna ziman ew dixwazin her kes tevlî qursên wan bibin.
Pirtûka helbestan a “Berfwerîn” a helbestvan Rênas Jiyan der çû. Rênas Jiyan bi vê pirtûkê pêncemîn pirtûka helbestan e dinivîse.
Rojnamevan Alî Yureklî ji biçûkatiya xwe ve çîrok û qewimînên Komkujiya Qoçgirî guhdar kiriye û van çîrokan berhev kiriye û kiriye pirtûk.
Xebatkarên Akademiya Ma Muzîkê yên ku di çarçoveya amadekariyên zivistanê de konserve çêkirin diyar kirin ku kevneşopiya mezinên xwe ya bi salan didomînin.
Çapa 3'yan a pirtûka 'Gotinên Pêşiyan' derket. Di pirtûka ku ji aliyê Abdurrahman Aydogdû ve hatiye amadekirin de, 4 hezar û 500 gotinên pêşiyan hene.
Navenda Çand û Hûnerê ya Aryen ku ji ber şewba vîrûsa koronayê navber dabû xebatên xwe, qeydên qursan da destpêkirin
Pirtûka ewil a helbestvan Xembar Farqîn bi navê “Şevbar” der çû. Helbestvan Xembar dibêje ku helbestên wî li ser evîna zimanê kurdî û welatê xwe nivîsandiye.
Xebatkarên NÇM’ê ku avahiya wan hat valakirin, gotin ku li gel hemû êrîşên jî dê xebatên xwe ji niha şûn ve jî bidomînin. Parlamentera HDP’ê Huda Kaya jî destnîşan kir ku dê teslîmê seltenata zilmê nebin.
Weşanên Aryenê 2 pirtûkên nû çap kir. Pirtûka çîroka "Avahiya Kevirî û Ên Din" a Asli Erdogan bi wergera erd Agron û romana Mahmut Yamalak "Rêwingî" derkete pêşberî xwendevanan.