Malpera sînemayakurdî.com û Tor Film Production biryar girtin ku ew ê bi hev re “Mihricana Filman a Kurt û Kurmancî” li dar bixin. Mihricana ku ew ê cara ewil were lidarxistin bi daxuyanîyekê çarçove û naveroka mihricanê diyar kir.
Hejmara 35’emîn a Kovara raman û bîrdoziyê ya Moderniteya Demokratîk derket.
Li Wanê Xemê Şahîn a 65 salî, çêkirina xurc, telîs û amûrên xişrî rê nifşên nû dide. Şahînê di 15 saliya xwe de hînî çêkirina van amûran bûye û ji wê çaxê heya niha ev tişt ji xwe re kirine sinhet.
Muzîkjen Ahmet Tîrgîl ku di pêvajoya pandemiyê de li ser medyaya sanal ji xwe re dikek ava kiriye, anî ziman ku mirov bi muzîkê ji hev fêm dikin û muzîk xwedî hêzeke pêkhêner e.
Nivîskar û Lêkolîner Ûgûr Dûrsûn Adsiz ku lekolînên akademîk dike di encama lêkolînên li ser dîroka kurdan de xwe gihande 2 stran û helbesteke ku heya niha nedihatin zanîn. Stran derbarê Mîr Bedîrxan Beg, helbest jî derbarê Şêx Ûbeydulahê Nehrî de ne.
Edîtora Rojnameya Xwebûnê Elîf Can Alkan, anî ziman ku polîtîkayên asîmlasiyonê yên li hemberî kurdî her roj zêdetir dibin û divê rojnamevan di warê kurdî de wekî pêşeng tevbigerin.
Kovara Nûbihar, vîdeoya ku peyama 89 zarokan a ji bo Cejna Zimanê Kurdî dane, weşand.
Hevserokê MED-DER’ê Rifat Ronî yê girtî, bi boneya 15’ê Gulanê Cejna Zimanê Kurdî peyamek parve kir û got: “Em ê vê mîrateyê biparêzin û emanetê zarok û neviyên xwe bikin. Ev berpirsiyartiya me hemûyan e.”
Malbata Koç a Nisêbînî ku xwe ji Cejna Zimanê Kurdî re amade dikin, bang kirin ku malbat li malên xwe bi kurdî biaxivin û diyar kirin ku ji bo zarokan perwerdehiya bi zimanê dayikê pewîstiyeke.
Pirtûka Teoriya Hînkirina Kurdî-Kurmancî ku nivîskarê wê Resûl Geyîk e derket. Geyîk, têkildarî pirtûkê, diyar kir ku ji ber xwest di warê jiyanê de valahiyekê dagire pirtûk nivîsandiye û wiha got: “Divê herkes li her derê bi zimanê xwe yê dayikê biaxive.”
Alî Alagoz ê 66 salî yê li Îdirê dijî, mîna zarokên xwe, neviyên xwe jî bi çîrok û mamikên Kurdî mezin dike. Alagoz, diyar kir ku ew ji Kurdî hez dike û got: “Divê hemû malbat, di vî warî de bi hestiyar tevbigerin.”
Hunermend Gulbahar Kavcû, diyar kir ku Hozan Mizgîn stranên berxwedanê yên demê bi goşt û hestî kiriye û got ku wê mîrateya Hozan Mizgîn bigihînin nifşên nû.
Derket holê ku qesîdebêj û mirîdê terîqeta Menzîlê Abdûrrahman Onul jî 10 stranên kurdî kirine tirkî û di albuma xwe de bi cih kirine. Nivîskar Selîm Temo ji bo Onul got: "Hem didize hem dibe xweyê xêrê. Hem dinyayê hem jî axretê eseh dike. Wele tam 'lehengekî serdema me ye.'"
Mamosteyê zimanê kurdî Ferhat Ertaş, destnîşan kir ku kurdî dê bi têkoşînê ewleyiyeke qanûnî wergire. Her wiha Ertaş, ji bo axaftina bi kurdî jî anî ziman ku barê mezin dikeve ser milê malbatan.
Pirtûka ‘Hemû Berhemên Mûsa Anter’ bi çapa xwe ya taybet, di nav bergekê de ji weşanxaneya Aramê derçû. Bi boneya 100 saliya jidayikbûna Apê Mûsa weşanxaneyê hemû berhemên wî civandin û di pirtûkeke hezar 590 rûpelî de çap kir.