AMED - Walîtiya Amedê bi îdiaya “Dê pergala cemaweriyê xerab bike” bîranîna Şêx Seîd û hevalên wî qedexe kir.
Komeleya Şêx Seîd dê ji bo bîranîna Şêx Seîd û hevalên wî îro li Navenda Kongreyê ya Çand Amedê bîranîn li dar bixista. Çalakiya bîranînê ya “Şeva bîranîna lehengên serhildana 1925’an” bi îdiaya “dê pergal û ewlehiya cemaweriyê xera bike” ji hêla walîtiya Amedê ve hate qedexekirin. Ji bo biryara qedexeyê jî madeyên 17’emîn û 19’emîn a qanûna civîn û xwepêşandanan a bi hejmar 2911 û madeyên qanûna îdareya bajar a bi hejmara 5442’yan weke hincet hate nîşandan û çalakî li qadên vekirî û girtî hate qedexekirin.
Ji ber biryara qedexeyê, komeleyê çalakiya bîranînê taloq kir û parêzeran jî li dijî biryarê îtîraz kirin.