Şaredariya Silopiyayê ku bi derfetine kêm dixebite, li Silopiyayê Kompleksa Werzîşê ya Jinan ava dike. Hevşaredar Adalet Fidan got ku ew ê projeyên bi vî rengî pêş bixin û wiha got: "Em ê li gorî daxwaz û pêwîstiyên civakê projeyên bi vî rengî bidomînin."
Berdevka Meclisa Jinan Ayşe Acar Başaran têkildarî betalkirina parlamenteriya Semra Guzel axivî û got: "Em li ser navê jinan li vir in. Em îro xwedî li vîna wan derdikevin û êrişên li dijî jinan şermezar dikin. Em ji bo ku bêjin hûn nikarin bi girtin, gef, zext û qeyûman paşde gav bi me bidin avêtin, em li vir in."
Ji bo parêzer Elîf Tîrenç Îpek Ulaş ku ji dosyaya Komeleya Jinan a Rosayê tê darizandin heta 15 salan cezayê hefsê hat xwestin.
Rapora “hişê wî li cih bûye” ya têkildarî Pakistan Demîr a ji aliyê hevjînê xwe Mehmet Emîn Oner ve li Kerboranê hatibû kuştin, pêşkêşî dadgehê hat kirin.
Rêvebera Komeleya Jinan a Starê Serap Guvenç diyar kir ku di 10 salên dawî de bûyerên destdirêjiya li zarokan ji sedî 700 zêde bûne û got: "Tekane tiştak u ev desthilat ji bo jinan û zarokên keç wehd dike mirin û koletî ye. Lê çalakiyeke civakî dikare pêşî li ber vê bigire."
Seroka Desteya Jinê ya Rêveberiya Xweser a Bakur û Rojhilatê Sûriyeyê Adalet Omer diyar kir ku pergala li Rojava hatiye avakirin serweran ditirsîne û wiha got: “Em dikarin bi rêxistin û yekitiyê planên serweran vala derxînin. Em çiqas bikaribin bibin hêza civakbûnê ava bikiln em ê ewqas xurt serbikevin.”
Dayika Aştiyê Necîha Çakir a ku di temenê biçûk de tê zewicandin diyar kir ku di wî temenê xwe de bi xizanî û tundiyê re rûbirû dimîne.
Tîma Futbolê ya Jinan a Amedsporê li deplasmana Edene Îdmanyûrdûsporê 3-0 têk bir û 3 pûan stand.
Hat îdiakirin ku xwendekara dersxaneyê K.A. a 14 salî hefteyek berê ji aliyê G.Y. ku keke wî cerdevane ve hatiye revandin. Malbatê got tevî ku dîmen jî hene keça wan nehatiye dîtin û ew ji jiyana keça xwe bi fikar in.
Nûrşîn Tûran a li navçeya Nisêbînê bi guleyeke bi serê wê ketî giran birîndar bûbû, li nexweşxaneya lê dihat dermankirin jiyana xwe ji dest da.
Jina bi navê Ayşe Temel ku li navçeya Selçukluyê li dijî zilamê bi navê Mûrat Can Eskîcî yê destdirêjî lê dikir parastina xwe ya cewherî kir û kuşt, hate girtin.
Şandeya Platforma Yekitiya Jinên Kurd ku li başûrê Kurdistanê bi sazî û rêxistinên jinan û partiyên siyasî re hevdîtin kirin. Şandeyê wiha got: “Jinan got ku ev sedsal dê bi pêşengtiya jinê bibe sedsala kurdan. Azadiya gelê me girêdayî azadiya jinê ye û yekitî jî girêdayî yekitiya jinên kurd e.”
Hejmara 52’yan a Pêveka Jinê ya Yenî Yaşamê bi sernavê “Em li dijî şer, xizanî û paşverûtiyê serî hilda ye” derket.
Endama Desteya Rêveber a Komeleya Jinan a Rosayê Sûzan Îşbîlen destnîşan kir ku tundiya li dijî jin û zarokan, negirtina faîlên tacîz û destdirêjiyê yan jî bi cezayên biçûk xelatkirin, polîtîkaya dewletê ye û wiha got: “Tenê jina rêxistinbûyî dikare li dijî vê qirkirinê û tundiyê bisekine.”
Platforma Jinan a Dersimê têkildarî destdirêjiya li zarokan a cemaet û terîqatan daxuyaniyek da û got ku ew feraseta ku jiyana jinan û zarokan tune dihesibînin qebûl nakin.