Hevala Garîbe Gezer a girtîgehê Denîz Tepelî ku bûbû şahidê mirina Gezer, ji ber ku giliya wî nayê qebûlkirin û weke şahid nayê guhdarkirin dest bi çalakiya greva birçîbûnê ya bêdem û bêdorveger kir.
Jina ku li Mêrdînê rastî tecawiza çawişê pispor Omer Ayas û Muhammet Toprak hat, bi piştgiriya baroyê giliyê wan kir. Her du zilamên ku di îfadeyên xwe de “rizabûn” parastine, dê negirtî bên darizandin.
Li Girtîgeha Tarsûsê ya Jinan 4 girtiyan bi armanca hişyariyê ji bo 3 rojan greva birçîbûnê dan destpêkirin û girtiyan diyar kiriye heke dawî li bêhiqûqiyê li ser wan were dê çalakiya xwe bi dawî bikin.
Parlamentera HDP'ê Dîlan Dîrayet Taşdemîr ku mirinen li girtîgehan weke "komkujî" pênase kir, got ku berpirsên komkujiya li girtîgehan desthilata AKP-MHP'ê ye û girtîgeh bûne malên mirinê.
Rêxistinên jinan ragihandin ku dê di danişîna ewil a doza Denîz Poyrazê de li ber edliyeyê bin û bang li her kesî kirin ku tevli danişînê bibin.
Jinan xwest li Nisêbînê li dijî destavêtin, destdirêjî û kuştina jinan çalakî li dar bixin. Polîsan çalakiyan asteng kir. Jinan guh neda astengiyê û bi berzkirina dirûşman bersiva polîsan dan.
Xizmên girtiyan ên li Îzmîrê ku piştgiriya malbatên girtiyan ên li Amed û Wanê çalakiya Nobeda Edaletê li dar dixin dikin gotin: "Wezareta Dadê û ên welêt bi rê ve dibin sûc dikin."
Aktivîsta TJA'yê Nûr Aytemûr got: "Em dikarin di sala nû de tecrîda girankirî bi rêxistinbûyîna xwe ya perspektîfa Rêya Sêyem bişikînin."
Li Edenê, jina bi navê Sara B. ji aliyê Serkan T. ve bi giranî hat birîndarkirin.
WAN - Çalakiya Nobeta Edaletê ya malbatên girtiyan li Wanê daye destpêkirin di roja 14’an de berdewam dike. Komeleya Jinan a STAR ku serdana malbatan kirin peyama piştevaniyê da.
Adem Tayûrak ku weke faîlê kuştina Ayşe Tayûrak girtî bû, bi rapora ku Saziya Tipa Edlî amade kir hat berdan.
Hevseroka KCD'ê Leyla Guven û girtiyên jin ên pê re bi navê "Tevn" koverek derxistin.
68 rêxistinên jinan bal kişandin ser pirsgirêkên tenduristiyê yên siyasetmedara kurd Aysel Tugluk û banga hevgirtinê kirin û gotin: "Em careke din bang li hemû rayedarên ku di vê pêvajoya bêhiqûqî ya ku li ser jiyana wê hatiye meşandin de îmze kirine dikin ku li gorî vê pêvajoyê li gorî hiqûq, zanist û wijdan tevbigerin."
Fatma Tûrgay ku dema çalakiyên piştgiriya greva birçîbûnê bi şala xwe ya kurê wê yê li Rojava jiyana xwe ji dest dabû jê re şandibû di hişê herkesî de mabû, niha jî bi vê şala xwe di Nobeta Edaletê ya ji bo girtiyan hatiye destpêkirin de cih digire.
Li Amedê, karkerên ku xebata dîrekên ceyranê dikirin, cenazeyê jinekê yê binaxkirî dîtin.