Endamên Kolektifa Jinan a Zanîngehê avahiya AKP'ê ya Enqereyê bi rengê xemrî boyax kirin. Endama Kolektifa Jinan a Zanîngehê Îrem Naz Çelîk, têkildarî çalakiyê got: "Eger em nikaribin rehet rûnên, sedema vê yekê AKP û hişmendiya dewleta mêrê serdest e. Eger em rehet rûnenên, divê ew jî rehet li paldanka xwe rûnenên."
Nûnerên rêxistinên jinan, diyar kirin ku dê têkoşîna wan a di sala 2020'an de li dijî êrîşan dabûn destpêkirin, di sala 2021'ê de hîn dorfirehtir û bihêztir bibe.
Cenazeyê Aylîn Sozer ya ku ji aliyê Kemal Ayyildiz ve hatibû kuştin li Goristana Gulsûyû ya Maltepeyê hat veşartin.
Berdevka Meclîsa Jinan a HDP'ê Ayşe Acar Başaran, diyar kir ku mîna hemû salên derbasbûyî di sala 2020'an de jî, jin li qadan rastî êrîşên mezin hatin û got: "Em ê di sala 2021'an de jî, li qadan bin. Ji bo ku sala 2021'ê bibe sala azadiya jinan werin em bi hev re li ber xwe bidin."
Jin di roja dawî ya salê de li dijî kuştina jinan derketin kolanan û bertek nîşanî tundiya li ser jinan û kuştinê dan.
Endama Piştevaniya Mor Denîz Ûslû diyar kir ku wê jin di sala 2021’an de li dijî zextan piştevanî û rêxistinkirinê bilindgir bikin.
Girtiyên li Girtîgeha Gebzeyê ya Jinan tên ragirtin name şandin û ragihandin ew bi binpêkirinên mafan re rûbirû mane û mafên wan tên desteserkirin.
Jinan destnîşan kir ku ê dibe sedema tahde û şideta li jinan tê kirin îqtidara AKP'ê ye û ji bo Sozer, Taş û Donmez a ku di heman rojê de hatin kuştin jî destnîşan kirin ku kiryarên wan daraza mêrî û kesên ku Peymana Stenbolê dane ber nîqaşê ne.
Polisan, mudaxaleyî çalakiya jinên ku bi banga “Em ji bo Aylîn Sonmez, Selda Taş, Vesîle Donmez û hemû jinên hatine qetilkirin bêdeng namînin” hatin gel hev kir û 7 jinan binçav kirin.
TJA û Meclîsa Jinan a HDP’ê bertek nîşanî qetilkirina Aylîn Sozen, Selda Taş û Vesîle Donmez dan û gotin: “Em ê îsyana xwe ya li dijî tundiya zilam a zêde dibe dewam bikin. Ji bo ku hûn bi xirabiyên xwe re rûbirû bimînin, em ê têkoşîna xwe bidomînin.”
Meclîsan Jinan a HDP’ê û TJA’yê bi wesîleya sersalê ji girtiyên jin re kart şandin.
Meclîsa Jinan a HDP’ê xeta têkoşîna xwe ya polîtîk a serdema nû diyar kir û destnîşan kir ku sala 2021’an dê bibe sala mezinkirina têkoşînê û got: “Jiyana meya nû ya civakî ya îdeal ku li ser bingeha azadiya jin û wekheviya zayendî ye wê bibe rêberê sedsala bê.”
Hevseroka Giştî ya HDP’ê Pervîn Bûldan di civîna Meclîsa Jinan a HDP’ê de axivî û destnîşan kir ku divê sala 2021’an bibe sala têkoşîna destkeftiyên jinan.
Şehrîban Zûgûrlî ku du caran lêgerîna tazî lê hatiye ferzkirin, diyar kir ku lêgerîna tazî realîteyeke girtîgehên Tirkiyeyê ye û Parêzer Berîvan Tûranê jî destnîşan kir ku ji bo ev rêzikname bê betalkirin divê serî li Şûraya Dewletê bê dayîn.
Rojnamevan Sozda Oremar ku binpêkirinên mafan ên li Efrînê dişopîne, diyar kir ku jinên lixwekirina çarşefê qebûl nakin wekî "heram" tên nîşandan û got: "Hin jin hene bi salan e derneketine derve. Ji lewra gava derdikevin bi taciz, tecawiz û êrîşên çeteyan re rû bi rû dimînin."