Jinan li Wan, Riha, Edene û Îzmîrê di çarçoveya çalakiyên 8'ê Adarê de çalakî pêk anîn. Endamên Platforma Jinan a Axtamara, di çarçoveya çalakiyên 8’ê Adarê de 8 kîlomet pedal zivirandin û nepoxên xemrî firandin.
Jin bi şîara “Em li dijî şer, OHAL û zayendperestiyê, ji bo ked, nasname û azadiya xwe li ber xwe didin” li Qada Azadî ya Bakirkoyê kom bûn, bi hemû coş û rengên xwe ligel baran dibare jî 8’ê Adarê pîroz dikin.
Tevî biryara dadgehê, ji ber xebatên kana keviran keleha ku peykerê xwedavenda Kîbela lê hatiye çikilandin, bi dînamitan tê xerakirin.
Platforma Em Dê Cînayetên Jinan Rawestînin, rapora sibatê aşkere kir û diyar kirin ku di Sibatê de mêran 47 jin qetil kirin, 30 zarok îstîsmar kirin û tecawizî 31 jinan kirin. Platfromê diyar kir ku ev yek girêdayî şer û tundiyê ye.
Jinên dersimî diyar kirin ku ew di bin zext û zoriyan de 8'ê Adarê pêşwazî dikin û bang li hemû jinan kirin ku 8'ê Adarê veguherînin qadê berxwedanê.
Xebata ewil a Piştevaniya Jinê ya Kirkyamayê, 8'ê Adarê ye. Endama Piştevaniyê ya Kirkyamayê Tûgçe Kesîm, bi boneya 8'ê Adarê hemû jin vexwandin qadan.
Jinên ku ji bo vegerin ser karên xwe, 112 roj e li ber Şaredariya Bajarê Mezin a Îzmîrê çalakiyan li dar dixin, diyar kirin ku heta ew li malê rûnên, wan liberxwedayînê tercîh kiriye. Her wiha li Stenbolê jî, jinên ku bi KHK'yan hatine îxrackirin û çalakiyan li dar dixin jî, wê bi daxwaza vegera ser karê xwe 8'ê Adarê li konên xwe yên berxwedanê pêşwazî bikin.
Li Enqere, Îzmîr û Dîlokê di çarçoveya pîrozbahiyên 8’ê Adarê de jin di civînên taştê de li hev kom bûn. Jinan bang li her kesî kir ku têkoşîna 8’ê Adarê xûrt bikin û pîroz bikin.
Mîhrîcana Nivîsa Jinê ya yekemîn a Tirkiyeyê dê di navbera 9 û 18’ê Adarê de pêk bê. Di Mihrîcana zayendiya civakî û wejeyî bên nîqaşkirin de, dê jin odeyek bi çalakiyên cûda ji bo xwe ava bikin.
Li navçeya Artuklu ya Mêrdînê qeymeqamiyê bi hinceta “Ne guncav e” destûr neda şahiya 8’ê Adarê.
Amadekariyên Platforma Jinan a 8'ê Adarê ya Stenbolê ya ji bo mîtînga 4'ê Adarê li Qada Azadiyê ya Bakirkoyê pêk bînin didome. Jinan bang li hemû jinan kirin û gotin: “Werin em bibin yek deng. Em bi hevre li dijî şer û koletiyê dengê xwe bilind bikin û bêjin na."
Rojnamegerên jin ên ku dengê îsyana jinan a 8'ê Adarê li cîhanê belav bikin, diyar kirin ku dê ji bo hevalên xwe yên girtî jî li qadan bin û wiha gotin: “Em hem dê bibin perçeyekî îsyanê û hem jî vî îsyanê li hemû parzemînên cîhanê belav bikin."
Keça Hevseroka Meclîsa Gel a Cizîrê Asya Yuksel Jiyan Yuksel, qala têkoşîn û sekna dayîka xwe kir û xwest her kes bi ruh û têkoşîna wê ji bo 8’ê Adarê Roja Jinan a Cîhanê dakevin qadan. Jiyan Yuksel, got: “Divê ruhê Asya Yuksel a têkoşer li her deverê bê jiyîn û jin bi ruhê dayîka min di 8’ê Adarê de dakevin qadan.”
Hevseroka Giştî ya DBP'ê Sebahat Tûncel ku dê 8'ê Adara îsal jî di girtîgehê derbas bike got: "Tenê dibêjim; çi dikin bila bikin, lê em ê bi ser bikevin. Dema jin li kuçeyan dirûşmeyên 'Jin Jiyan Azadî' berz bikin, em ê jî li hewadariya xwe bibin hevparê vî dengî."
Sûzan Oztunç ku dema hevjînê wê yê 18 salan xwest careke din bizewice, dest bi jiyaneke nû kir ji bo jinên ku bi şidetê re rû bi rû dimînin got: "Li hemberî çewisandinan helbet riyeke liberxwedayînê heye."