Pervîn Oduncu û Ayşe Yagci ku li Girtîgeha Sîncanê tên ragirtin, ji bo kilsa di semawerî de jê bibin “ava lîmonê” bi kar anîbûn. Bi vê sedemê jî 11 roj cezayê hucreyê lê hate birîn. Lêpirsîn bi îdiaya “madeya nayê zanîn” hate vekirin û li 5 jinên di qawîşê de doz hate vekirin.
Li Rihayê di qenala avdanê ya DSÎ’yê de cenazeyê jinekê hate dîtin.
Derheqê jinên TJA’yî yên daxwaza diyanetê ya tevlibûna Doza Kobanê şermezar kiribîn de lêpirsîn hate vekirin.
Li gorî çeteleya tundiyê ya JINNEWS'ê di tîrmehê de 26 jin û 2 zarok hatine qetilkirin û 9 jin û 4 zarok jî bi awayeke gumanbar jiyana xwe ji dest dane.
Jina bi navê Esma Kalenderlî li navçeya Sêweregê ji hêla Mûrat Otuş ve hate qetilkirin.
Kovara Jinê di berga xwe ya vê hefteyê de cih da Fermana 74’an a li dijî êzidiyan û bi manşeta “Hem birîn hem jî şîn didome” derket.
Li navçeya Karakopru ya Rihayê jinekê jiyana xwe ji dest da.
Endama Meclisa Jina a Partiya Çepên Kesk Sevtap Akdag, diyar kir ku di civînên jinan ên di çarçoveya jinûve avakirinê de rexneyên erênî derketin holê û wiha got: “Em ê rêxistibûyîna xwe xurttir bikin.”
Danişîna doza Serokê Ocaxên Tevgera Taybet ê Şirnexê Îbrahîm Barkin ku li Şirnexê Sakîne Kultur bi îşkenceyê qetilkiribû dê sibê bê lidarxistin.
Jina ducanî ya bi navê Cansel Dûrsûn, ji ber xwedî li kuçikên kolanan derketiye, bi zarokê xwe ya 6 salî re rastî tundiya zilamekê hat û zaroka jê re ducanî bû jî ji ber avêt. Hat destnîşankirin ku birayê faîl, vê carê gefa mirinê li Dûrsûn dixwe.
Endama Kongra Starê Menal Mihemed diyar kir ku Şoreşa Rojavayê bersiva herî xurt a jinan a li dijî Peymana Lozanê ye û got: "Dê Lozaneke nû bi têkoşîna jinan bê nivîsandin."
Denîz Ozarsaln ku Ezgî Zerkînê qetil kir hê jî nehatiye zeftkirin. Malbata Zerkînê got: "Ev kujer ji aliyê hin kesan ve tê parastin." KCDP'ê jî ji bo kujer bê zeftkirin amadekariyên hin çalakiyan dike.
Cîgira Seroka Navenda Mafên Jinan a Baroya Êlihê Sumeyye Gultekîn Aykut diyar kir ku sererastkirina înfazê ya nû cesarete dide zilaman û got: “Ev kes bi mantiqê ‘ez bikujim jixwe efû tê’ jinan qetil dikin. Divê destûra vê sererastkirina ku pêşî li efûkirina kuştina vedike neyê dayîn.”
Yekitiya Jinên Şoreşger a Kabîl-Efganistanê (RAWA) diyar kir ku ji şervanên jin ên kurd îlham girtine û li dijî pergala baviksalariyê peyama têkoşînê dan.
Siyasetmedar Yuksel Mutlu diyar kir ku Lozan ji bo jinan tê wateya “sazîbûna pergala baviksalarî” û got: “Em dikarin Lozanê ji holê rakin, ev girêdayî rêxistinbûyîna me ye. Heke em têkoşîna xwe xurt bikin, wê navê Lozanê jî neyê ser zar û zimanan.”