Rojnamevan Pune Aştiyan diyar kir ku Geşt-i Îrşad ku piştî qetilkirina Jîna Emîniyê ji qadê vekişiyabû car din vegeriyaye û got: "Ev polîs ji berê zêdetir vegeriyan, lê jin li ber xwe didin."
Cerdevan B.A yê ku li Elbakê tecawizî jinekê kir, hat girtin û şandin girtîgehê.
Konferansa Tecrûbeyên Tevgerên Jinan a bi dirûşmeya "Li ser şopa Jin, Jiyan, Azadî" li Beyrûdê hat lidarxistin. Di konferansê de bandora hevserokatiyê ya li ser civakê hat nirxandin û nîqaş li ser rola hevserokatiya ya li ser siyaseta demekratîk hatin kirin.
Lijneya Jinan a Rêveberiya Herêmên Demokratîk a HDP’ê li Birca Keçikê pankartên "Ne qeyûm ne talan, dîsa jin, dîsa jiyan" û "Hevserokatî xeta me ya binevşî ye" daliqandin û tayinkirina qeyûman protesto kir.
Berdevka Meclisa Jinan a Partiya Çepên Kesk Canan Çalagan di civîna çapemeniyê de diyar kir ku ji bo piştevanî û rêxistinbûna jinan dê têkoşîna xwe mezin bikin û got: "Em ê di 20 û 30'yê tebaxê de jî li navçe û bajaran ji bo konferansê civînan li dar bixin û di 8-9'ê îlonê de jî konferansa xwe li dar bixin."
Bi ser kuştina Îpek Er re 3 sal debas bûn. Çawişê pispor Mûsa Orhan tecawizî Er kiribû. Er li ser vê yekê dawî li jiyana xwe anîbû. Orhan ê tecawizkar tenê 3 rojan girtî mabû. Ji parêzerên dozê Nesrîn Bîlge diyar kir ku daraz bialî tevgeriyaye.
Fatma Bûlût a tevî pirsgirêkên xwe yên tenduristiyê 3 roj in di bin çavan de ye, rakirin nexweşxaneyê.
Rojnameger Nazila Maroofian ku ji ber hevpeyvîna bi bavê Jîna Emînî re kiribû cara sêyemîn hatibû girtin, hate berdan.
Jina bi navê K.A. ya 27 salî li Qersê bi awayeke guman jiyana xwe ji dest da.
Siyasetmedar Besîme Konca bal kişand ser têkoşîna jinên ku ev 2 sal in li dijî Talîbanê Efxanistan bi dest xist li ber xwe didin û got: “Berxwedana Rojava û Şengalê ji bo jinên efxan palpişteke girîng e.”
Di encama danezana konferansa jinan a di pêşengtiya TAJÊ de li Silêmaniyê hate lidarxistin de banga nasîna vîna Şengalê hate kirin.
Pervîn Oduncu û Ayşe Yagci ku li Girtîgeha Sîncanê tên ragirtin, ji bo kilsa di semawerî de jê bibin “ava lîmonê” bi kar anîbûn. Bi vê sedemê jî 11 roj cezayê hucreyê lê hate birîn. Lêpirsîn bi îdiaya “madeya nayê zanîn” hate vekirin û li 5 jinên di qawîşê de doz hate vekirin.
Li Rihayê di qenala avdanê ya DSÎ’yê de cenazeyê jinekê hate dîtin.
Derheqê jinên TJA’yî yên daxwaza diyanetê ya tevlibûna Doza Kobanê şermezar kiribîn de lêpirsîn hate vekirin.
Li gorî çeteleya tundiyê ya JINNEWS'ê di tîrmehê de 26 jin û 2 zarok hatine qetilkirin û 9 jin û 4 zarok jî bi awayeke gumanbar jiyana xwe ji dest dane.