Cîgira Serokê Giştî yê PÎA’yê Menîce Gulmez a Lozan weke “rûxandinê” penase kir, diyar kir ku jin wê sedsala nû ji nû ve ava bikin û wiha got: “Jin dê vê axê azad bikin.”
Hevberdevka Partiya Çepên Kesk Çîgdem Kiliçgun Ûçar a di civîna jinan a ji aliyê HDP’ê û Partiya Çepên Kesk ve li navçeya Sûltangaziyê hate lidarxistin de axivî wiha got: “Em ê li ba jinan û gelê xwe bin.” Di civînê de rêxistinkirin û têkoşîn derket pêş.
TJA bi minasebeta salvegera 100’emîn a Peymana Lozanê de li hotêlek Amedê komxebatê li dar dixe. Siyasetmedar Çaglar Demîrel axaftina destpêkê kir û got: “Em ê yekitiya gelan û jinan biparêzin û bi hev re biryarê bidin."
Aktivîsta TJA'yê Gurbet Dogan, bibîr xist ku di dema desthilata AKP'ê de 7 hezar û 990 jin hatine qetilkirin û li dijî vê îşaret bi avakirina tora têkoşîna hevpar kir.
Tora Têkoşîna bi Tundiyê re ya Amedê ku li ser zêdebûna qetilkirina jinan û mirinên bi guman ên jinan daxuyanî da. Torê diyar kir ku hikûmet bi polîtîkayên dijminantiya jinan destkeftiyên jinan dike hedef û bi zimanê xwe yê zayendparêz tundiyê teşwîk dike û ev yek cesaretê dide kesên tundiyê dikin.
Li navçeya Kemalpaşa ya Îzmîrê Kubra O. ji aliyê Mehmet O. ê dev ji hev berdabûn ve hat qetilkirin.
Aktîvîstên TJA'yê û endamên Meclisa Jinan ên DBP, Partiya Çepên Kesk û HDP’ê qetilkirina jina bi navê Hindirin Aydogan bi daxuyaniyekê li Qoserê protesto kirin.
Hevserokê Komîsyona Zarokan a Baroya Wanê Mûstafa Ozoral bal kişand ser zêdebûna hejmara zarokên têne zewicandin û anî ziman ku mekanîzmayên parastina zarokan nayên bikaranîn.
Hevdîtina jinan a di çarçoveya civînên gel ên HDP’ê û Partiya Çepên Kesk de bal kişandin ser tecrîdkirina Rêberê PKK’ê Abdullah Ocalan û hat destnîşankirin ku li dijî tecrîdê têkoşîn bê kirin.
Jina bi navê Kubra Y. ji qata 4’an a avahiya lê dijiya, bi awayekî guman kete xwarê. Malbata Y., diyar kir ku Mehmet Alî Yurt keça wan ji avahî avêtiye xwarê û gef li şahidan tên xwarin.
Jina bi navê Remziye Yucel di qonaxa hevberdanê de ji hêla Zeynal Yucel ve hatibû qetilkirin. Cezayê muebbeta giran li Zeynal Yucel hate birîn.
Siyasetmedar Nûrsel Aydoganê diyar kir ku komkujiyên serdestan nikarin pêşî li têkoşîna jinên azadîxwaz bigirin û ji bo hedefgirtina jinên pêşeng jî wiha got: "Cihê jinên hatine qetilkirin, ji aliyê peyrewên wan ve hatiye dagirtin û ev têkoşîn her domandiye."
Li gorî çeteleya meha Hezîranê ya JINNEWS'ê 25 jin hatin qetilkirin û 27 jî bi guman jiyana xwe ji dest dane.
Kesê bi navê Erdal Şahîn hevjîna xwe Nazli Şahîn û dayika wê qetil kir.
Kesê bi navê D.Y. li Êlihê bi kêran êrişî jina bi navê F.Y. kir ku di qonaxa hevberdanê de bûn. F.Y. di êrişê de bi giranî birîndar bû.