Serokwekîla Koma DEM Partiyê Gulistan Kiliç Koçyîgît di “Konferansa Polîtîkayên Perwerdehiyê” de axivî û got: “Perwerdehiya bi zimanê zikmakî ne xêr e, ew mafek bingehîn e. Bi milyonan zarokên kurd ji perwredehiya zimanê xwe bêpar mane.”
Rojnamevan Ferda Çetîn û Gunay Arslan qala Gurbetellî Ersoz kirin. Ferda Çetîn got: “Gurbetellî stêrka çapemeniya kurd e. Ji bo çapemeniya kurd nasnameyek.”
Biryara hepsa malê ya der barê rojnamevan Delal Akyuz, Tolga Guney û Melîke Aydinê de 8 meh in nayê rakirin. Parêzerên dosyeyê diyar kirin ku lêpirsîn bi derengî tê xistin.
Hevserokê KNK Ahmet Karamûs bi lêv kir ku hegemon ji bo berjewendiyên xwe li Rojhilata Navîn dîzayn bikin li dijî Rêberê PKK'ê Abdullah Ocalan komplo pêk anîn û piştî komplo negehişt armancê vê carê polîtikaya tecrîdê xistin meriyetê û got: "Tecrîd pirsgirêka hemû Kurdistanê ye."
Endamê KNK'ê Zagros Ensderyarî diyar kir ku helwesta kurdan a di şerê muhtemel ê herêmî de wê ji bo pêşeroja Îran, Iraq, Sûriye û Tirkiyeyê diyarker be û got: "Kurd li Bakur û Rojhilatê Sûriyeyê herêmên girîng ên stratejîk kontrol dikin. Eger bandora Îranê li herêmê kêm bibe, kurd dikarin bandora xwe berbelavtir bikin."
Mehmet Tekîn ê ku xwişka wî ya nexweş û zavayê wî jî di nav de 5 xizmên wî hatin girtin, got: "Ya hatiye kirin zilm e."
Farûk Ataman ku di 16 saliya xwe de ji ber sedemên aborî neçar ma koçî Îzmîrê bike, piştî salan vegeriya welatê xwe û li zozanên ku zarokatiya xwe lê derbas kiribû, bi çandiniya organîk re mijûl dibe.
Tevî ku Abdûrrahman Gemîcîoglû li penceşêra kolonê ketiye û nexweşê nav cihan e nayê berdan. Keça wî Elîf Gemîcîoglû diyar kir ku li gel metirsiya mirinê ya bavê wê heye li revîrê tê ragirtin û banga berdana bavê xwe kir.
Di çalakiya "Deng bide azadiyêJi azadiyê" de banga tevlîbûna li mîtînga 13'yê Cotmehê ya li Amedê bê lidarxistin hat kirin û hat gotin ku wê komploya navneteweyî bê pûçkirin.
Bi dehan malbatên ji Lubnanê hatine, li kampa Serêkaniyê hatin bicihkirin.
Şaredariya Bajarê Mezin a Wanê zimanê kurdî jî li malpera xwe zêde kir.
Li Îzmîr, Stenbol û Enqereyê ji bo girtiyên nexweş daxuyanî hat dayîn û hat westin girtiyên nexweş Fevzî Arslan, Abdurrahîm Gemîcîoglû û Ateş Gobe bên berdan.
Odeya Bijîşkan a Agirî, Qers, Erdexan û Îdirê vebû.
Malbatên ji bo xizmên xwe yên di bin çavan de hatine windakirin û qetilkirin careke din hatine ba hev wiha gotin: “Heya ku windayên me werin dîtin, dê her du destên me li stuyê dewletê ve bin.