Serokê Şaxa Egîtîm Sen a Wanê Mûrat Atabay diyar kir ku sala nû ya perwerdehiya nû ji mufredatê heta perwerdehiya bi zimanê dayikê, ji pergala veguhezbar heta xwarinê û heta budçeyên dibistanan bi gelek pirsgirêkan dest pê kir û da zanîn ku li bajêr pêdivî bi gelek dibistanan heye.
Îdianameya der barê rojnameger Zeynep Kûray de ku bi îdiaya "porpagandaya rêxistinê" hat amadekirin, ji aliyê dadgehê ve hat qebûlkirin. Di îdianameyê de parvekirinên Kûrayê û xebatên wê yên rojnamevaniyê wekî sûc hatine hesibandin.
Siyasetmedarên ku ji bo mîtînga 1'ê Îlonê ya Wanê bang kirin, gotin: "Ji bo em behsa aştiyê bikin, divê tecrîda li ser Rêberê PKK'ê Abdullah Ocalan bi dawî bibe û bi awayekî fizîkî azad bibe."
Rojnamegerên li Stenbolê destnîşan kirin ku Tirkiye ji bo sûcên xwe yên şer dernekevin holê, rojnamegeran qetil dike û anîn ziman ku divê di asta herî jor de bertek werin nîşandan.
Şewata ku li Girtîgeha Metrîsê ya li Esenlerê bi şev derket hate vemirandin.
Li 31 girtiyên li Girtîgeha Girtî ya Jinan a Şakranê mehek cezayê qedexekirina hevdîtinê hat birîn. Ji girtiyên ku der barê wan de lêpirsîna dîsîplînê hat vekirin, yek jê Guler Bîlen e. Birayê wê Hamît Bîlen diyar kir ku xwişka wî 32 sal in girtiye û fikara wan ew e ku berdana wê bê taloqkirin.
Koçerên ku ji ber zextên dewletê neçar man koçî Dîlokê bikin, ji bo çand û zimanê xwe têdikoşin.
Li Dîlokê Emîr Bakî Bayindir ê 10 salî li taxê ji aliyê zilamekî dikandar ve hate qetilkirin.
Nobeta ku li dijî desteserkirina Şaredariya Colemêrgê li Beyoglûyê hat destpêkirin di roja 73’yan de berdewam dike.
Tora Mafê Mirovan a Kurdistanê ragihand ku 8 kurdên bi hinceta tevlî pîrozbahiyên Newrozê bûne, ji aliyê rejîma Îranê ve hatin binçavkirin.
Parlamenterê DEM Partiyê Cengîz Çîçek mijara êrişên li ser zimanê kurdî bir rojeva Meclisê û xwest zimanê kurdî bibe zimanê fermî.
Serokê Meclisê yê berê Bulent Arinç ê AKP’yî ji Emîne Şenyaşar re got: “Hemû Tirkiye bi doza we dizane.”
Parlamentera DEM Partiyê Berîtan Guneş a bal kişand ser binpêkirinên mafan ên li Girtîgeha Bandirmayê, xwest ku ÎHÎK bi awayekî lezgîn kom bibe.
ÎHD’a Amedê rapora binpêkirinên mafan ên girtîgehên li herêma Serhedê û Behra Reş qewimîne eşkere kir û di raporê de hat destnîşankirin ku divê tecrîd di “kategora cezayê li dijî rûmeta mirovahiyê” were nirxandin.