Hevberdevka Komîteya Amadekar a Newrozê ya Rihayê Sîbel Akaltun diyar kir ku amadekariyên wan ên ji bo Newroza Rihayê ku dê di 20’ê Adarê de bê lidarxistin temam bûne û got: “Werin em bi hev re agirê azadiyê gur bikin.”
Rêveberiya Xweser a Bakur û Rojhilatê Sûriyê daxwaza vegera bi ewle ya gelê Efrînê li ser xaka xwe kir.
Dewleta tirk û koma wê ya paramîlîter SMO’yê derdora Bendava Tişrînê bombebaran kirin.
PYD û ENKS beriya konferansa ku dê di 20’ê Adarê de bê lidarxistin, civiyan.
Hatem Ozdemîr ku ji hêla Îranê ve bi birîndarî hatibû binçavkirin û piştre hatibû girtin, bi xetereya darvekirinê re rû bi rû ye.
Li navçeyên Farqîn û Xana Axparê yên Amedê tevî baranê jî Newroz bi coşeke mezin hat pîrozkirin û agirê Newrozê bi dirûşma “Bijî Serok Apo” hat vêxistin.
Di Newroza bi coş a Qoserê de Hevserokê DBP'ê Keskîn Bayindir axivî û wiha got: "Gelê Kurd dixwaze dengê Birêz Ocalan bibihîze. Gelê Kurd dixwaze Birêz Ocalan di nava xwe de bibîne."
Ayşegul Ayaz a TJA’yî ku di Newroza Silopiyayê de axivî, anî ziman ku banga Rêberê Gelê Kurd Abdullah Ocalan manîfestoya jiyana nû ya sedsala 21’emîn e û banga xwedîderketina li pêvajoyê li jinan kir.
Hevserokê KCD’ê Berdan Ozturk di pîrozbahiya Newrozê ya Colemêrgê de axivî û wiha got: “Gelê Kurd tu caran serî li ber zilma wan netewand. Heke îro li Îmraliyê hevdîtin bên kirin, ev yek encama berxwedana birêz Ocalan û têkoşîna we ye.”
ÎHD’iyan ji Hatîce Onaran re ku ji ber pere ji girtiyan re şandibû hatiye girtin, pere şandin û gotin dê piştevanî û têkoşîna wan bidome.
Di êrişên Îsraîlê yê li dijî Xezeyê de herî kêm 412 kes hatin qetilkirin.
DEM Partî di çarçoveya banga dîrokî ya Rêberê Gelê Kurd Abdullah Ocalan de çû serdana Yekitiya Baroyên Tirkiyeyê û got ku hevdîtinê baş derbas bûye.
Hevserokê Partiya DEM'ê Tûncer Bakirhan nerazîbûn nîşanî daxuyaniyên Wezîrê Edaletê Yilmaz Tûnç ên li ser 'mafê hêviyê' da û wiha got: "Mafê hêviyê heye, mafek e."
Bi hezaran kesên beşdarî pîrozbahiya Newroza Agiriyê bûn bertek nîşanî komkujiya li Kobanê dan. Her wiha ev bang li îktîdarê hate kirin: “Ev pêvajo yekalî nameşe. Divê hûn gavan biavêjin.”
Hevserokê Giştî yê DEM Partiyê Tûncer Bakirhan diyar kir ku beriya Newrozê ji bo bi Abdullah Ocalan re hevdîtinê pêk bînin serî li Wezareta Dadê dane.