Çalakiya karkerên bi hinceta “Lêpîrsîna ewlekariyê” ji Zanîngeha Egeyê hatin avêtin berdewam dike. Xwendekarên Zanîngehê û Sendîkaya Tenduristî-Îş bi armanca piştevaniyê, çalakger ziyaret kirin.
Li Tirkiyeyê di nava 24 saetên dawî de cara duyemîn buhayê mazot zêde bû. Duh jî buhayê mazotê li seranserê Tirkiyeyê 17 kurîş zêde bû. Li gorî daxuyaniya PUIS’ê îro jî 13 kurîş li buhayê mazotê zêde bû.
Hat derpêşkirin ku Nûnertiya Bem Bîr Sen a Amedê ya girêdayî Memûr Senê, gef li endamên Tum Bel Senê yên di Şaredariya Mezin a Amed de ku qeyûm tayînî wê hatiye kirin dixebitin de xwarine û gotine eger ji sendîkayê îstifa nekin wê di lîsteya îxrackirinê ya nû de navê wan jî hebe.
Karkerên taşeronî yên ji Şaredariya Beşîktaşê ya CHP’î hatin avêtin ku bi daxwaza “Em karê xwe dixwazin” li ber şaredariyê çalakiya dest bi çalakiyê kiribûn, çalakiya wan didome. Karkeran got: “Em li vira ne û heta em venegerin ser karê xwe em ê li ber xwe bidin.”
Koma Beşdarbûna Demokratîk berî hilbijartina lijneya giştî ya ÎTO ya roja Şemiyê, bertek nîşanî medyaya hewzê ya wan dike hedef nîşan da û got: “Di hilbijartina Odeya Bijîşkan a Stenbolê de pisîk dê nekeve trafoyê.”
Di rojên dawî de ji ber polîtîkaya îktîdara AKP'ê ya navxweşî û derve û şerê li Rojhilata Navîn Lîrayê Tirk li hemberî dolar û euro her ku diçe qîmeta xwe winda dike. Di nava çend rojan de dolar 4 tl derbas kir û niha Yek Dolar gihişt 4.11 TL. Dolar duh 4.13 TL bû îro 4.11 TL ye. Li ser vê yekê zema mazotê jî zêde bû. Bi zema 17 qurişî li Stenbolê buhoyê motorîn ku berê 5.30 - 5.35 TL bû dê bigêje 5.5 TL.
Karkerê Şaredariya Bajarê Mezin a Îzmirê Mahir Kiliç piştî ji kar hat avêtin ji bo dîsa mafê xwe yê kar bistîne 5 mehin di çalakiya greva birçîbûnê de ye. Bijîşkê TÎHV'ê Zeki Gul, diyar kir ku êdî rewşa tenduristiya Kiliç krîtî e xwest bi lez gavên çareseriyê bên avêtin û daxwazên wî bên qebûkirin.
Qirîza aborî esnafên bazarên taxan jî aniye asta îflasê. Welatî ji ber bihayên zêde bi gazin in. Welatî diyar kirin ku beriya niha fêkî û sebzeyên bi qaseyan dikirîn, lê niha nikarin bi kîloyan jî bistînin û dest vala vedigerin malên xwe.
1 Dolar 4 TL û 1 Euro 5 TL derbas kir. Ji ber zêdebûna qûrên dowîzî, rewşa aboriyê xirabtir dibe û ev yek tesîrê li esnafan dike. Esnafên ku hindik mane ji ber vê rewşê derabeyên xwe deynin, ji bo daxuyaniyên hikûmetê yên “krîz tune ye” gotin “krîz li holê ye”.
Nûner û rêveberên KESK, DÎSK, TMMOB û TTB'ê têkildarî bernameya 1'ê Gulanê daxuyanî dan û diyar kirin ku ji bo 1'ê Gulanê li Qada Taksimê pîroz bikin bi her awayî serî li Walîtiyê dan, lê Walîtiya Stenbolê hemû serlêdanên wan neyînî bersivandine. Karker û kedkaran diyar kirin ku ew dê îsal 1'ê Gulanê li Qada Mitîngê ya Maltepe pîroz bikin. Serokê Giştî yê DÎSK'ê Kanî Beko, ani ziman ku evîna wan tu carî neqediya û naqede.
Meryem Ûzûner, 4 sal berê ji bo debara xwe bike û aboriya xwe bi dest bixe dest bi xwedîkirina mirîşkan kir. Ûzûner, destnîşan kir ku ew beramberiya keda xwe wernagire û got: “Di vî karî de tenê kirîger qezenc dikin.”
255 karkerên şaredariya Rizan yên ji kar hatin derxistin, li dijî "Lêpirsîna ewlehiyê" dest bi çalakiyê kirin û xwestin dîsa li karê xwe vegerin. Karkeran li pêş şaredariyê dest bi çalakiya rûniştinê kirin.
Dema hikûmetê pakêta teşwîkê aşkere kir pereyên biyanî li hemberî lirayê tirk qîmetê wî zêde bû. Dolar di nava rojê de qîmeta xwe ya li hemberî TL, 1 Dolar 4.07 TL derbas kir. Euro jî qimeta xwe ya li hemberî lîra 1 Euro 5 TL derbas kir.
Personelê Fakulteya Tipê yê Zanîngeha Egeyê Îlhan Yaman, diyar kir ku hikûmetê bi “Mizginiya Taşeron" karker ji kar dûrxistine û wiha got: "Ez bi vê pergalê betal mam. Ez û hevsera xwe wekî hev astengdar in û nikarin kar bikin." Yaman piştî ji kar hat avêtin li pêş fakulteyê dest bi çalakiyê kir.
Bi minasebeta 28'ê Nîsanê Roja Çalakiyê ya Kurevî ya Heskif û Sûrê dê li 20 welatan hemwext çalakî bên lidarxistin. Endamê Têkiliya Navneteweyi yê Tevgera Ekolojiyê ya Mezopotamya Ercan Ayboga, diyar kir ku ji hewceza Dîcleyê heta Basrayê nêzî 123 cureyên zindiyan û mîrateyên dirokî di bin gefan de dijîn.